Satus Dina Ki Warsena

Garda.id | Satus Dina Ki Warsena

1.

Dhandhanggula

Satus dina manjing tepet suci, 

Papan eca winastan suwarga, 

Dalang Doktor Warsena Slenk, 

Brayat agung amunjuk, 

Pangastuti Hyang Maha Suci, 

Ing Kranggan Kartasura, 

Garwa putra putu, 

Gya anggelar wilujengan, 

Tahlil tahmid tasbeh takbir dikir, 

Sinartan pengajian. 

2.

Mijil

Kalih dasa Maret dinten Kemis, 

Sawusnya kelakon, 

Tahunipun rong ewu selawe, 

Pangarsa ulama maos Yasin, 

Japa mantra santi, 

Pinanggih rahayu. 

3.

Kinanthi, 

Ndhudhah lampahan rumuhun, 

Gesang kebak darma bakti, 

Warsena Hardjadarsana, 

Maringi tepa palupi, 

Ulat patrap lan pangucap,

Suka karyenak sesami.

4.

Sinom

Lara lapa tapa brata, 

Latempuh wasis patitis, 

Lumampah ngarah sekolah, 

Nganti perguruan tinggi, 

Sarjana master katri, 

Gumreget gregah gumregut, 

Gelar Doktor kasandhang, 

Rumeksa ideologi, 

Pancasila minangka dasar negara. 

5.

Pangkur

Ki Warsena dhalang kondhang, 

Olah sanggit garap gendhing inganggit, 

Kelir srana mbabar kawruh, 

Kawignyan tata praja, 

Sambang sambung sawang srawung lung tinulung, 

Kaluhuran kautaman, 

Wejangan wedharan becik.

6.

Pucung

Kukuh bakuh teguh santosa tinempuh, 

Kyai Ageng Warsena, 

Pendidikan mitayani, 

Pawiyatan dadya margane kamulyan. 

7.

Gambuh

Kathah batur sedulur, 

Subur makmur rejeki sempulur, 

Dalang sugih Ki Warsena gadhah batih, 

Garwa putra mantu putu, 

Tansah momong momor momot.

8.

Maskumambang

Ki Warsena amanggih kencana rukmi,

Kulawarga masyarakat, 

Seniman pejabat nagri, 

Pengabdian nusa bangsa. 

9.

Asmarandana

Labuh labet darma bakti, 

Tumrap Ki Doktor Warsena, 

Minangka priyayi gedhe, 

Grapyak sumrambah sumanak, 

Dhateng kadang pawong mitra,

Atut runtut guyub rukun, 

Seniman lan budayawan. 

10.

Megatruh

Wutuh ampuh tetep tanggap tanggon tangguh, 

Jroning nggulawenthah seni, 

Ki Warsena gya sinau, 

Dhumateng para winasis, 

Kanthi patrap andhap asor. 

11.

Durma

Warsena Hardjadarsana paripurna, 

Sayekti amarisi, 

Tuladha utama, 

Kebecikan pakaryan, 

Kondur marang kasedan jati, 

Suwarga loka, 

Kelanggengan sejati. 

Kemis,

20 Maret 2025,

Purwadi, 

Jl Kakap Raya 36 Minomartani Yogyakarta

Muktamar ke-35 NU Dimulai, Prabowo: NU Institusi Bersejarah yang Berjasa Besar bagi Indonesia

Gubernur Bobby Nasution Serahkan Ranperda P-APBD 2026 ke DPRD, Fokus Infrastruktur dan Pemulihan Pascabencana

Pemprov Sumut Optimalkan 21 Daerah Irigasi, Plt Kepala Dinas Sumber Daya Air (SDA) Sumut Gibson Panjaian : Lahan Pertanian Produktif Ditargetkan Capa

Milad ke-13 MTH Halimah dan Haul ke-4 Alm Rizky Adiguna Digelar Penuh Haru dan Sukacita

BRI BO Sibuhuan Berikan Suprise ke PN Sibuhuan di Momen HUT ke 81 Mahkamah Agung RI

BRI BO Sibuhuan Dukung Kegiatan Festival Budaya Daerah