Babad Panggung Sangga Buwana

Babad Panggung Sangga Buwana

1.
Dhandhanggula

Merbawani sasana semedi,
Winastan Panggung Sangga Buwana,
Ngening cipta mrih pikoleh,
Tata cara ngaluhur,
Mesu budi saluku tunggil,
Sedhakep megeng napas,
Jumbuh kang ginayuh,
Sembada ingkang sinedya,
Jroning kapti jangka jangkah wus kaesthi,
Wilujengan dhukutan.

2
Kinanthi

Baca Juga:

• Babad Susukan Salatiga

Abdi dalem pangarsa gung,
Upacara ing maligi,
Dhawuh sasana wilapa,
Ulama sigra ndongani,
Brengengeng kadya bremara,
Winangsulan tadhah amin.

3.
Pangkur

Kumelun kukusing dupa,
Hagni murup sumundhul ing wiyati,
Sumerbak gandane arum,
Caket sekar setaman,
Gya binangun wewangunan wingit wangun,
Ing Panggung Sangga Buwana,
Wedharing kang pangastuti.

4.
Asmarandana

Maneka warna sesaji,
Cecawis kolak kencana,
Pisang raja pepak gedhe,
Sega golong jajan pasar,
Glepung kinarya bekakak,
Srundeng gurih ketan biru,
Janganan ijo kuluban.

5.
Mijil

Baca Juga:

• Babad Susukan Salatiga

Dhukutan sesaji pitik urip,
Suguh ayam telor,
Bayem kangkung kacang tahu tempe,
Takir wadhah balur gerih teri,
Tumpeng rasa gurih,
Jangkep sekul uduk.

6.
Gambuh

Sampun sami nenuwun,
Anggenipun amiwiti mbangun,
Tata titi tatas titis samukawis,
Kabul unggul tur pinunjul,
Mulya leluhur kedhaton.

7.
Pucung

Kersa rawuh datan mingkuh ing pakewuh,
Rampung jejibahan,
Gawa gawe paripurna,
Suka lila labuh labet marang praja.

8.
Sinom

Baca Juga:

• Babad Wiyata Adi

Nem likur tulis tinanggal,
Dungkap sasi Pebruari,
Rong ewu slawe kang warsa,
Pikantuk berkahing Widi,
Ketitik tambah becik ,
Lumampah hayu rahayu,
Tata cara dhukutan,
Ayem tentrem lahir batin,
Sinar muncar kanugrahan mbabar jembar.

9.
Durma

Pembangunan miturut ing paugeran,
Seratan pra winasis
Kraton Surakarta,
Ngejayeng jagad raya
Linambaran dugi prayogi,
Sastra piwulang,
Wulangreh lan Centhini.

10.
Megatruh

Wuku dhukut sinambrama sembah sujud,
Sangkan paraning dumadi,
Raga tanggap jiwa tangguh,
Weruh wignya awal akir,
Berag bareng raos bontos.

11.
Maskumambang

Baca Juga:

• Babad Kota Salatiga

Wilujengan dhukutan tetep ngiringi,
Mring Panggung Sangga Buwana,
Tata raharja lestari,
Surakarta Hadiningrat.

Purwadi,
Ketua Lokantara
HP 087864404347

Babad Susukan Salatiga

Babad Susukan Salatiga

Babad Wiyata Adi

Babad Kota Salatiga

BABAD GURU EROPAH

BABAD TANAH JAWI