TAMAN SISWA KAWEDHAR

Ist

Garda.id | TAMAN SISWA KAWEDHAR

1.

Dhandhanggula

Winursita wedharan pinilih, 

Wejangan Ki Hajar Dewantara, 

Babaran gagasan gedhe, 

Yogya karya pituduh, 

Wulang wuruk wong saknegari, 

Ing ngarsa sung tuladha, 

Lamun lenggah ngayun,

Lan ing madya mangun karsa, 

Mawas dhiri gya tut wuri handayani, 

Tatanan ing bebrayan. 

2.

Sinom

Perguruan Taman Siswa, 

Dadi sarana piranti, 

Pendidikan kebangsaan, 

Bekti mring ibu pertiwi,

Labuh labet negari, 

Kabudayan adi luhung, 

Amarsudi kagunan, 

Budi luhur edi peni, 

Guna cara rinumpaka nusa bangsa. 

3.

Mijil

Medhar wulangan budi pekerti, 

Bibit bebet bobot, 

Becik trawaca mula bukane, 

Legawengtyas minulyeng sesami,

Taman Siswa paring, 

Patuladhan tuhu. 

4.

Pangkur

Taman Siswa panjang yuswa, 

Siji sanga rolikur telu Juli, 

Senin Kliwon dintenipun, 

Ki Hajar Dewantara, 

Priyayi gung kerakyatan sinengkuyung, 

Kebangsaan kabudayan, 

Kapribaden jatidhiri.

5.

Asmarandana

Taman Siswa gya mandhiri, 

Nyai Hajar Dewantara, 

Raden Soebono andherek, 

Soetama Suryakusuma, 

Ki Sutapa Wanabaya,

Prono Widigdo mituhu,

Tjokrodirdjo Suryaputra.

6.

Durma

Kanjeng Raden Mas Suwardi Suryaningrat, 

Trah kusuma priyayi, 

Turune Mataram, 

Pura Paku Alaman, 

Sutartinah garwa mumpuni, 

Ngayogyakarta, 

Taman Siswa wus lahir.

7.

Megatruh

Panji Taman Siswa mengku kawruh wutuh, 

Plengkung agung perisai, 

Kuning emas cahya luhur, 

Suci tata ngesti tunggal warsi, 

Perlambang ingkang kesohor. 

8.

Maskumambang

Suci Tata Ngesti Tunggal tahun Jawi, 

Taman Siswa sinengkalan, 

Mulang muruk murwakani, 

Perguruan kebangsaan. 

9.

Gambuh

Taman Siswa misuwur, 

Agung luhur wulangan sempulur,

Jatidhiri Sarjana Wiyata yekti, 

Tata gati tanggap tangguh, 

Tandang karya tetep tanggon. 

10.

Pucung

Sambang sambung Taman Siswa srawung dunung,

Sarjana Wiyata, 

Olah rasa mesu budi, 

Bakti darma kanggo mulyaning negara. 

11.

Kinanthi

Medhar bapa ibu guru, 

Para murid gelis wasis, 

Perguruan Taman Siswa, 

Pendidikan

mandhegani, 

Saindhenging Nusantara, 

Sungkem mring ibu pertiwi. 

Purwadi, 

Ketua Lokantara

HP 087864404347

Bank Sumut Resmikan KCP Sei Berombang, Perluas Layanan hingga Kawasan Pesisir Labuhanbatu

Zakiyuddin Harahap Sambut Peserta APEKSI 2026, Ajak Nikmati Keramahan dan Kuliner Kota Medan

Bank Sumut Luncurkan QResto, Inovasi Digital Bersama Pemkab Deli Serdang untuk Optimalkan Pajak Daerah

Strategi Komunikasi Pemerintah: Menjaga Narasi, Menjaga Kepercayaan Publik

Taekwondo Championship Sumut 2026 Digelar, Bidik Bibit Atlet Menuju Asian Championship dan Porprov

Rahmat Gobel Menilai PENAS Petani Nelayan Titik Balik Kurangi Impor dan Bangun Kemandirian Pangan Nasional