Babad Sepur KRL

 

Ist

Babad Sepur KRL

1.

Dhandhanggula

Numpak sepur budhal saben wanci, 

Dadi srana gancaring pakaryan, 

Kereta api KRL, 

Miwiti bangun esuk, 

Lumaksana dumugi wengi, 

Regane pancen murah, 

Amung wolung ewu, 

Bolak balik Solo Yogya, 

Menyang mulih suka gembira ing galih,

Bareng lan kadang mitra.

2.

Sinom

Sami ndherek peraturan, 

Numpak sepur amrih becik, 

Gya rumeksa ketertiban, 

Gerbong jogan alus resik, 

Sehat asri nglam lami, 

Tempat duduk penak penuk, 

Jenak sami lenggahan, 

Sinambi lelipur dhiri,

Sesawangan katon kebak kaendahan. 

3.

Megatruh

Wus kayungyun mlebu aneng setasiun, 

Mlaku lancar marga antri, 

Tata urut runtut patut, 

Mawas dhiri lan sesami,

Numpak sepur angon raos. 

4.

Mijil

Saking Palur sepur murwakani, 

Tumuju mangulon, 

Mandhap dhateng setasiun Jebres, 

Stasiun Balapan Purwosari, 

Gawok mandheg riyin, 

Tumuli Delanggu. 

5.

Asmarandana

Munggah mudhun gonta ganti, 

Rega tiket tetep padha, 

Lumakune menyang Ceper, 

Stasiun Klaten lumampah, 

Srowot Brambanan Maguwa, 

Lempuyangan akhir Tugu, 

Numpak sepur aman nyaman. 

6.

Durma

Sabar drana numpak sepur kang legawa, 

Kanggo tepa Palupi, 

Lamun lelenggahan, 

Kagem keladuk yuswa, 

Wanita mbobot lare alit,

Para taruna, 

Ngadeg langkung prayogi.

7.

Kinanthi

Datan pareng dhahar ngunjuk, 

Sakjroning kereta api, 

Sepur KRL mranata,

Ngendhanana ganda amis, 

Maneka warnane kewan, 

Murih basuki lestari. 

8.

Pangkur

Gumregut greget gumregah, 

Perlu tliti numpak kereta api, 

Karana jadwal teratur, 

Waktu tepat mampangat, 

Ora mundur maju lumakuning sepur, 

Gathuk kinarya makarya,

Mbudidaya laris manis. 

9.

Pucung

Suka sukur sanak kadang numpak sepur, 

Ati bungah datan sayah, 

Bisa nitih ngagem milih, 

Banjur lenggah bayarane tiket murah. 

10.

Gambuh

Tegalan sawah gunung, 

Pari jagung janganan ngrembuyung, 

Katon peni gagah Merbabu Merapi, 

Gunung Sewu Gunung Lawu, 

Mencorong sakjroning gerbong. 

11.

Maskumambang

Kreta api mengabdi ibu pertiwi, 

Piguna sagunging warga, 

Pelayanan transportasi, 

Asung puja manggih rahayu widada.

Purwadi, 

Universitas Negeri Yogyakarta

HP 087864404347

LAPAS YANG MEMULIHKAN, NEGARA YANG MELINDUNGI

Indonesia Tampil Perdana di Piala Dunia Sepakbola Mini, KSMI Bidik Talenta Muda

REMISI, HARAPAN PULANG, DAN KEPERCAYAAN YANG HARUS DIJAGA

Duta Besar Jepang Ueno Atsushi Menerima Natalia Tjahja Menjelang Asian Para Games Aichi-Nagoya 2026

Teguh Santosa: Tiga Soal Utama Papua, Percepatan Pembangunan, Pemberantasan Korupsi, dan Penanganan Kekerasan KKB

Menteri Olahraga Maldives dan NOC Indonesia Dukung 100 CTFP untuk Para Atlet