Tata Cara Bale Smarakata

Garda.id  | Tata Cara Bale Smarakata

1.

Dhandhanggula

Wilujengan kinarya mengeti, 

Para Gusti kang sampun suwarga, 

Alusipun wus sumare, 

Pajimatan satuhu, 

Gusti Galuh Kencana nguni,

Gusti Sekar Kencana, 

Dalah garwanipun, 

Jeng Gusti Kusumayuda, 

Gusti Retna Dumilah sagarwa ugi, 

Gusti Nur Cahyaningrat. 

2.

Kinanthi

Abdi dalem sami munjuk,

Donga puji pangastuti, 

Dhawuh Sasana Wilapa, 

Gusti Ratu Wandhansari,

Dhateng pangarsa ulama, 

Tahlil tahmid takbir dikir.

3.

Pangkur 

Mbrengengeng ing Smarakata, 

Ngening cipta lenggah saluku tunggil, 

Madhep mantep niyat ingsun, 

Syahadat Shalat pasa, 

Nuwun kabul unggul pamuji pinunjul, 

Binarung kukusing dupa, 

Kumelun aneng wiyati. 

4.

Mijil

Sentana nayaka ngagem bathik, 

Prabawane kinclong, 

Sumunar gembira jajar jejer, 

Sigra mejang Jeng Pangeran Wirabhumi, 

Paugeran nagri, 

Mbabar kawruh hukum.

Baca juga: